Мўғулистоннинг Улан-Батор шаҳрида 16 ёшгача бўлган шахматчилар ўртасида Бутунжаҳон шахмат Олимпиадаси бошланди. Дунёнинг кучли жамоалари қаторида Ўзбекистон ўсмирлар терма жамоаси ҳам ушбу нуфузли мусобақада иштирок этяпти, деб хабар беради «Olamsport.com».
Маматқул Ҳайлаев мураббийлигидаги Ўзбекистон терма жамоаси Олимпиаданинг илк турида Жанубий Корея шахматчиларини 4:0 ҳисобида мағлуб этди.
Ортиқ Ниғматов Ан Хонг Жинни, Нодирбек Ёқуббоев Ю Хан Юлни, Абдумалик Абдусалимов Нам Жу Вонни, Баҳора Абдусатторова эса Лим Донг Хюнни таслим этган. Бугун, 21 август куни ўзбекистонлик шахматчилар Қирғизистон терма жамоасига қарши дона суради. Қирғизистон илк турда мезбонларнинг иккинчи жамоасидан 4:0 ҳисобидан устун келган.
Изоҳ (0)