Давлат тизимларида ишлаш учун номзодларни текшириш билан шуғулланувчи US Investigations Services компанияси АҚШ адлия вазирлиги даъвосига биноан 30 миллион доллар жарима тўлайдиган бўлди. Бу ҳақда "ТАСС" хабар бермоқда.
1996 йилда мамлакат ҳукумати билан шартнома тузган компания ҳар бир номзодни текширгани учун ўртача 2,5 минг доллар ҳақ олган. Вазирлик даъвосига кўра, компания 2008 йил мартидан 2012 йилгача бўлган даврда 650 минг ҳолатда номзодларнинг таржимаи ҳоли ва бошқа маълумотларни етарлича ўрганмаган.
US Investigations Services Марказий разведка бошқармасига ишга олинишидан аввал Эдвард Сноуденни, шунингдек, 2013 йил сентябрида АҚШдаги ҳарбий объектлардан бирида отишма уюштириб, 13 кишининг умрига зомин бўлган Аарон Алексис номзодларини ҳам текширувдан ўтказиб, уларга ижобий тавсия берган.
Изоҳ (0)