Янги Зеландия овчилар миллий уюшмаси ўз аъзолари томонидан жуда камёб — тахаке қушларининг камида тўрт донаси ўлдириб қўйилгани учун бутун мамлакатдан узр сўради. Бу ҳақда Meduza хабар бермоқда.
Овчилар тахакеларни бошқа бир қуш — кенг тарқалган султон товуқлар билан адаштириб қўйган. Султон товуқларини отиб, йўқ қилиш ҳақидаги буюртма маҳаллий табиатни муҳофаза қилиш департаментидан олинган эди.
Янги Зеландияда султон товуқлар мунтазам равишда отиб турилади. Бу парранда мамлакатдаги қирилиб кетиш ёқасида бўлган бошқа камёб қушларнинг инларини бузиб ташлайди.
Тахаке қушлари қирилиб кетган, деб ҳисобланарди, бироқ 1948 йили улар яна топилган. Шундан бери тахакеларнинг сонини ошириш йўлида юз минглаб доллар сарфланди. Ҳозирда Янги Зеландия ҳудудида 300 га яқин тахаке яшаса, уларнинг 70—80 донаси ёввойи табиат қўйнидадир.
The Guardian’нинг қайд этишича, ўлдирилган тўрт тахаке мазкур парранда популяциясининг беш фоизини ташкил этади. Таққослаш учун, жами пандаларнинг беш фоизи — 93 дона пандага тенг.
Изоҳ (0)