Davlat tizimlarida ishlash uchun nomzodlarni tekshirish bilan shug‘ullanuvchi US Investigations Services kompaniyasi AQSh adliya vazirligi da’vosiga binoan 30 million dollar jarima to‘laydigan bo‘ldi. Bu haqda "TASS" xabar bermoqda.
1996 yilda mamlakat hukumati bilan shartnoma tuzgan kompaniya har bir nomzodni tekshirgani uchun o‘rtacha 2,5 ming dollar haq olgan. Vazirlik da’vosiga ko‘ra, kompaniya 2008-yil martidan 2012 yilgacha bo‘lgan davrda 650 ming holatda nomzodlarning tarjimai holi va boshqa ma’lumotlarni yetarlicha o‘rganmagan.
US Investigations Services Markaziy razvedka boshqarmasiga ishga olinishidan avval Edvard Snoudenni, shuningdek, 2013-yil sentyabrida AQShdagi harbiy ob’ektlardan birida otishma uyushtirib, 13 kishining umriga zomin bo‘lgan Aaron Aleksis nomzodlarini ham tekshiruvdan o‘tkazib, ularga ijobiy tavsiya bergan.
Izoh (0)