Чеченистон пойтахти Грозний шаҳрида қуролланган шахслар қаҳвахонадаги икки официант аёлни отиб ташлади. Бу ҳақда «RBK» хабар бермоқда.
Тергов маълумотларига кўра, 20 август оқшомида «Лолита» қаҳвахонасида уч эркак муассасада ишлайдиган икки аёлга қарата тўппончалардан ўт очган. Ҳар иккала аёл ҳодиса жойида вафот этган.
Ҳужум қилган шахслар «Lada Priora» автомобилида воқеа жойидан қочиб кетган. Ҳозирги вақтда Чеченистон Тергов қўмитаси ҳодисага алоқадор шахсларни излаб топиш бўйича тезкор-қидирув тадбирларини олиб бормоқда.
Изоҳ (0)