КХДР Жанубий Кореяга икки мамлакат чегарасида жойлашган ва Сеул томонидан Пхеньянга қарши ташвиқот ишларида фойдаланилаётган овоз кучайтиргичларни бузиб ташлаш учун икки кун муҳлат берди. Бу ҳақда «ТАСС» хабар бермоқда.
Yonhap агентлиги хабарига кўра, мазкур талаб чегарада икки мамлакат ўртасида юз берган артиллерия отишмасидан бир соат ўтиб, Шимолий Корея қўшинлари бош штаби бўлими томонидан Жанубий Корея тарафига тақдим этилган.
«Агар Сеул ўзининг Пхеньянга қарши қаратилган радиотрансляцияларини тўхтатмаса ва тегишли қурилмаларни икки кун ичида бузиб ташламаса, Шимолий Корея ҳарбий ҳаракатларни бошлашга ваъда берди», — дейилади Жанубий Корея миллий мудофаа вазирлиги баёнотида.
Қайд этишларича, мухлат маҳаллий вақт билан 22 август куни соат 17:00 да якунига етади. Жанубий Корея КХДРнинг мазкур талабини бажармоқчими-йўқми, бу ҳақда ҳозирча ҳеч қандай изоҳ берилгани йўқ.
Изоҳ (0)