Американинг КC-46 ёқилғи қуювчи ҳарбий самолёти амалга ошириши лозим бўлган илк синов парвози ёқилғи танлашдаги адашув туфайли бир ойга кечиктирилди. Бу ҳақда Boeing вакилига таяниб, Defense News маълум қилди, дея хабар беради «РИА Новости».
Концерн вакилининг сўзларига қараганда, ёрлиқдаги хато туфайли самолётга ёқилғи ўрнига унинг сунъий аралашмаси қуйиб юборилган. Гарчи адашув маълум бўлиши билан мутахассислар аралашмани чиқариб ташлаган бўлса-да, ҳаво кемасининг айрим қисмлари ишдан чиқишга улгурган.
Boeing ушбу самолётнинг илк синовини биринчи бор орқага сураётгани йўқ: аввалига 2014 йилга мўлжалланган парвоз 2015 йил апрелига, кейинчалик ёзга кўчирилди. Концернда баҳона учун муҳлат деярли қолмаган, чунки шартнома бўйича 2017 йил августида АҚШ Ҳарбий-ҳаво кучларига 18 та ёқилғи қуювчи самолёт етказиб бериши лозим.
Изоҳ (0)