Германия канцлери Ангела Меркель Грециянинг қарз юкини енгиллаштиришни ёқлаб чиқди, дея хабар бермоқда «РБК». У ZDF телеканалига берган интервьюсида кредитларни тўлаш муддатини узайтириб, фоиз ставкаларини камайтиришни таклиф қилди.
Шу билан бирга, Меркель аввалгидек Греция давлат қарзи ҳажмини қисқартиришга қарши чиқмоқда.
Меркелнинг айтишича, Грецияга кўмак бўйича янги дастур муваффақиятли кечади. Бироқ канцлер мамлакат кредиторлар билан битимларга риоя қилсагина иқтисодий тангликни енгиб ўтишига ишонч билдирди.
Изоҳ (0)