Россия Сурияга 2007 йилги шартнома доирасида олтита МиГ-31 қирувчи самолётларини етказиб берди, дея хабар қилди «Коммерсант» Туркиянинг BGN News порталига таяниб.
Самолётлар Дамашққа қўниб бўлган. Шартномага мувофиқ, Россия Сурияга жами саккизта қирувчини етказиб бериши керак. Бироқ «Рособоронэкспорт» бу хабарни на тасдиқлади, на инкор этди.
Нашр эслатишича, 13 август куни Россия ташқи ишлар вазири Сергей Лавров Москвада Сурия инқилобий ва мухолифат кучлари миллий коалицияси делегациясини қабул қилган эди.
Изоҳ (0)