25 август куни Фарғона шаҳрининг «Азия» меҳмонхонасида Кантон ярмаркасининг (Хитой, Гуанчжоу) ташкилотчилари билан биргаликда конференция бўлиб ўтади. Ушбу тадбир 2015 йилнинг октябрь ойида бўлиб ўтадиган кўргазманинг 118-сессиясига бағишланиб, China Foreign Trade Centre, International Business Travel ва Халқаро бизнес ва технологиялар уюшмаси кўмагида бўлиб ўтади.
Бундай ҳажмдаги учрашувлар ўзбекистонлик тадбиркорлар учун ускуналарни сотиб олиш, уларни ўрнатиш шартлари ва сифати, ҳамкорлик муносабатларини йўлга қўйиш ва Хитой томонидан шартномаларнинг ёпилиши каби саволларни тўғридан-тўғри эфирда муҳокама қилишга имкон яратади. Бундан ташқари, бу каби тадбирлар узоқ муддатли ҳамкорликка асосланган потенциал лойиҳаларни қайта кўриб чиқишга туртки бўлади.
Кантон ярмаркаси конференцияси ташкилотчилар томонидан учинчи марта ўтказилмоқда. Ўтган йили қурилиш, озиқ-овқат соҳаси, машина қурилиш йўналишларида фаолият юритувчи 60 нафар тадбиркор кўргазма ташкилотчилари билан фикр алмашиш имкониятига эга бўлишди.
Бу йил конференцияда Хитой ярмаркасида қатнашиш ва ўз бизнесларини ривожлантириш истагида бўлган 80 нафарга яқин тадбиркорлар қатнашиши кутилмоқда.
Маълумот учун: Кантон ярмаркаси тарихида Ўзбекистондан 4 мингдан ортиқ киши кўргазмага ташриф буюрган, 15 марта расмий делегация юборилган. Кўргазмага ташриф буюрувчилар сони 1 миллиондан ошади. Кантон ярмаркасида техника, мебель, кийим-кечак, озиқ овқат маҳсулотлари намойиш этилади. Ярмарка бир йилда икки марта — баҳор ва кузда бўлиб ўтади.
Ҳудуд: «Азия» меҳмонхонаси. Фарғона шаҳри, Навоий кўчаси, 26-уй, 2-кўргазмалар залиКун: 25 август (сешанба)Вақт: рўйхатга олиш соат 10:30 да.Тадбирнинг бошланиши: 11:00.
Изоҳ (0)