2016 йил 1 январдан бошлаб ўзгалар парваришига муҳтож бўлган ёлғиз яшаётган ҳамда ёлғиз кекса ва ногиронларга ижтимоий хизматлар ва ижтимоий ёрдам кўрсатиш якка тартибда шакллантириладиган ижтимоий хизматлар дастури асосида амалга оширилади. Бу Вазирлар Маҳкамасининг «Кексалар ва ногиронларни манзилли ижтимоий ҳимоя қилиш ва қўллаб-қувватлашни янада кучайтириш чора-тадбирлари тўғрисида»ги қарорида кўзда тутилган, деб ёзади «Газета.uz».
Қарор орқали Ўзгалар парваришига муҳтож бўлган ёлғиз кексалар ва ногиронларни асосий озиқ-овқат маҳсулотлари ва гигиена товарлари билан бепул таъминлаш тартиби тўғрисидаги низом тасдиқланди.
Меҳнат ва аҳолини ижтимоий муҳофаза қилиш вазирлигига йил охиригача ижтимоий хизматлар ва ижтимоий ёрдам олаётган кексалар ва ногиронларни ҳисобга олишнинг ягона регистрини юритиш топширилди.
Шунингдек, олий таълим муассасаларида «Ижтимоий ишлар (кексалар ва ногиронлар билан)» таълим йўналиши бўйича малакали мутахассислар тайёрлаш режалаштирилмоқда.
Изоҳ (0)