АҚШнинг Цинциннати шаҳрида теннис бўйича «Мастерс» сериясига кирувчи, соврин жамғармаси 4,45 миллион доллардан ортиқ мусобақанинг саралаш баҳслари бошланди. «Olamsport.com» хабарига кўра, ўзбекистонлик Денис Истомин мазкур турнирдаги иштирокини ғалаба билан бошлади.
Айни пайтда дунё рейтингида 70-ўринни эгаллаб турган Ўзбекистоннинг биринчи ракеткаси Цинциннати турнири саралашининг илк даврасида словакиялик Блаж Ролага қарши кортга чиқиб, 1:6, 7:6(6), 6:4 ҳисобида ғалаба қозонди.
16 август, якшанба куни Истомин асосий тўрга чиқиш учун германиялик Александр Зверев билан баҳслашади. Зверев саралаш босқичида ҳамюрти Бенжамин Беккерни 6:4, 6:2 ҳисобида мағлуб этган.
Изоҳ (0)