Ўзбекистонлик истеъдодли ёш шахматчи Жавоҳир Синдоров 10 ёшгача бўлган болалар ўртасидаги Осиё чемпионатида муддатидан аввал ғолибликни қўлга киритди, деб хабар бермоқда «12news.uz».
Жанубий Кореянинг Сувон шаҳрида давом этаётган Осиё чемпионатида 9 август куни 8-тур ўйинлари бўлиб ўтди. Мусобақа якунланишига ҳали бир тур қолганига қарамай, Жавоҳир 8 имкониятдан 7,5 очко жамғарди ва ўзининг энг яқин таъқибчисидан 2 очкога илгарилаб кетди.
Рапид, блиц ва классик шахмат бўйича мактаб ўқувчилари ўртасида жаҳон ва Осиё чемпиони ҳисобланган шахматчи ўз ёши тоифасида стандарт шахмат бўйича илк марта Осиё чемпионига айланди. Бу унинг Сувондаги иккинчи олтин медали бўлиб, яқиндагина у шу ерда Осиё ёшлар ўйинларида рапид йўналишида чемпионликни қўлга киритган эди.
Изоҳ (0)