Москванинг «Спартак» клуби ишқибозлари 9 август куни «Крилья советов»га қарши бўлиб ўтадиган ўйиннинг дастлабки 20 дақиқасида сукут сақлайди. Шу тариқа улар 8 августдан 9 августга ўтар кечаси ўлдирилган жамоа ишқибози хотирасини ёд этади, деб хабар қилади «РБК».
Ҳодиса 9 августга ўтар кечаси «Палуба» кафесида содир бўлди. 28 ёшли москвалик «Спартак» ишқибози футбол ўйинини кўриш учун Самарага ташриф буюрган. Кафеда у ва 27 ёшли самаралик эркак ўртасида жанжал келиб чиққан. Дастлабки маълумотларга кўра, можаро футбол билан боғлиқ бўлмаган.
Иккала эркак ҳам алкогол таъсирида бўлган. Гумонланувчи москвалик ишқибозга пичоқ билан зарба берган. Олинган жароҳатдан жабрланувчи воқеа жойида вафот этган.
Гумонланувчи кейинроқ қўлга олинди.
Изоҳ (0)