Озарбайжонлик журналист Расим Алиев ўзи танқид қилган футболчининг «қариндошлари» томонидан ўлгунича дўппослаб кетилди, дея хабар бермоқда «Korrespondent.net».
Алиев ижтимоий тармоққа пост жойлади, унда футболчи Жавид Гусейновни танқид қилди. Шундан сўнг журналист дўппослаб кетилди ва олган жароҳатлари туфайли касалхонада вафот этди.
Гусейнов сўзларига кўра, Расим Алиев уни кипрлик журналистга нисбатан муносабати учун тарбиясиз ва ахлоқсиз деб атаган. Бунга жавобан у Алиевга қўнғироқ қилиб, уни нотўғри тушунганини, унинг ахлоқи ёки тарбияси ҳақида билмоқчи бўлса, келиб қўшниларидан сўраши мумкинлигини айтган. Журналист эса уни тушуниб, Facebook орқали ундан узр сўрашини билдирган. «Ундан кейин нима бўлгани менга қоронғи», — деди Гусейнов.
Алиев эса касалхонадалигида вазиятга ойдинлик киритишга улгурди. Маълум бўлишича, футболчи билан телефон суҳбатидан сўнг, унга ўзини Жавиднинг холаваччаси деб таништирган нотаниш одам қўнғироқ қилган ва унинг Жавид билан суҳбатлашганидан хабардорлигини айтиб, узр сўраш ниятида учрашишни таклиф қилган. Бироқ учрашувда у яна икки киши билан бирга Алиевни дўппослай кетган. «Улар Жавид Гусейновнинг қариндошлари эканлигига ишончим комил эмас, лекин улар ўзларини айнан шундай деб таништирди», — деди Алиев.
Изоҳ (0)