Тожикистон ва Қирғизистон томони чегара низолари бўйича музокараларни якунлади ва қўшни мамлакатлар қишлоқлари аҳолиси ўртасидаги тортишувларга барҳам берди, дея хабар қилади «РИА Новости» музокараларда қатнашган манбасига таяниб.
Низо маиший асосда келиб чиққан: Қирғизистоннинг Кўктош қишлоғи аҳолиси тожик қишлоқлари сув ичадиган канал ўзанини ёпиб қўйган. Бунга жавобан, Тожикистоннинг Сомониён қишлоғи фуқаролари қирғизларнинг қабристонига бориладиган йўлнинг Тожикистон ҳудудидан ўтган қисмини ёпиб қўйган. Шундан сўнг низо кескин тус олиб, томонлар аввал бир-бирига тош ота бошлаган бўлса, кейинроқ ов милтиғи ва «Молотов коктейллари»дан фойдалана бошлаган. Натижада 6 нафар тожикистонлик яраланган.
Музокаралар чоғида Тожикистон фуқаролари ёпиб қўйган, қирғизлар қабристонига олиб борувчи йўлни очиш ва қирғизлар томонидан ёпиб қўйилган водопровод тармоғини қуриш ишларини қайта бошлаш ҳақида қарор қабул қилинди.
Изоҳ (0)