Тошкентда «Озод юрт тўлқинлари» VIII медиа-фестивали бўлиб ўтади

«Озод юрт тўлқинлари» медиа-фестивали ғолиблари 21 август куни аниқланади, деб хабар беради «Ictnews.uz».

Тадбир Ўзбекистонда нодавлат телерадиоэшиттиришларни ривожлантириш ва қўллаб-қувватлашга қаратилган. Шунингдек, журналистларнинг демократик қадриятларга мос келувчи ҳамда жамиятнинг сиёсий, диний ва ахлоқий ривожланишига ёрдам берувчи телевидение ва радио дастурларини тайёрлашдаги фаолиятини кучайтиришга йўналтирилган.

Фестиваль доирасида эълон қилинган ғолибларга «Озод юрт тўлқинлари» ҳайкалчалари, диплом ва қимматбаҳо совғалар тақдим этилади.

Фестиваль лауреатлари қуйидаги йўналишлар бўйича очиқ, онлайн овоз бериш орқали аниқланади:

1. Энг яхши медиалойиҳа
2. Энг яхши телестанция
3. Энг яхши радиостанция
4. Ўзбекистон Республикаси Мустақиллигининг 24 йиллигига бағишланган энг яхши дастур.