Россия бош вазири Дмитрий Медведев санкцияга тушган маҳсулотларни Россия чегарасида йўқ қилиш тартибини тасдиқлади. Бу ҳақда Россия ҳукумати қарорида белгилаб қўйилган, дея хабар бермоқда «Сегодня.ua».
Қайд этишларича, қарорда санкцияга тушган озиқ-овқат маҳсулотлари атроф-муҳитни муҳофаза қилиш тўғрисидаги қонунчилик доирасида, «имкони бор барча йўл билан» йўқ қилиш ҳақида кўрсатма берилган.
Йўқ қилинаётган маҳсулот, икки номанфаатдор шахс гувоҳлигида, тадбир амалга оширилаётган сана ва вақт кўрсатилгани ҳолда, видео ва фотосуратга олинади.
Санкцияга тушган маҳсулотни йўқ қилиш ҳақидаги қарор Россия Федерал божхона хизмати, «Роспотребнадзор» ва «Россельхознадзор» хизматлари томонидан қабул қилинади.
Изоҳ (0)