Африка мамлакатлари хавфсизликни таъминлаш соҳасида ҳозирча АҚШнинг кўмагига муҳтож. Бу ҳақда Эфиопия бош вазири Хайлемариам Десалень маълум қилди, дея хабар бермоқда «РИА Новости».
«Африка хавфсизлик масалаларини ҳал қилишни ўз қўлига олиши керак, деб ҳисоблаймиз. Бироқ биз АҚШнинг кўмагига муҳтожмиз», — деди бош вазир АҚШ президенти Барак Обама билан Аддис-Абебада бўлиб ўтган қўшма матбуот анжуманида.
Ўз навбатида, Обама АҚШ ва бошқа мамлакатлар 26 июль, якшанба куни Сомали пойтахтида навбатдаги терактни уюштирган «Аш-Шабоб» террорчи гуруҳига нисбатан босим ўтказишда давом этишига ваъда берди. Эфиопия ҳарбий хизматчилари Африка иттифоқи кучлари (АМИСОМ) таркибида «Аш-Шабоб»га қарши кураш олиб бормоқда.
Барак Обама тўрт кунлик ташриф билан Африкада бўлиб турибди. Ўзининг Африка саёҳати давомида Америка етакчиси Кения ва Эфиопияда бўлди.
Изоҳ (0)