Хитойнинг Цзянсу провинцияси Цзинцзян шаҳрида кардиожарроҳ ўзининг аортаси ёрилиб кетганига қарамай, юрак устидаги мураккаб операцияни муваффақиятли якунлади, дея хабар бермоқда «ТАСС».
Миокард инфарктини бошидан кечирган кекса беморни операция қилиш чоғида жарроҳнинг ўзи кўкрагида кучли оғриқни ҳис қилган. Бироқ операциянинг энг авжида шифокорни алмаштириш касал учун хатарли бўлиши мумкинлигидан хавфсираб, Ху Фанбинь охиригача чидаб беришга қарор қилди.
Жарроҳга шошилинч равишда оғриқни қолдириш учун иккита морфин уколи юборилди, шундан сўнг у операцияни давом эттирди. Сўнгги чокни туширгачгина, у ҳамкасбларидан ўзини текшириб қўйишни сўради.
Унга «юрак аортаси аневризми» ташхиси қўйилди ва 12 соат давомида операция қилинди. Айни пайтда Ху Фанбиннинг ҳаёти хавфдан холи.
Изоҳ (0)