Бангладешда рўй берган икки автоҳалокат оқибатида камида 15 киши ҳаётдан кўз юмди. Бу ҳақда маҳаллий маъмурларга таяниб, DPА маълум қилган, дея хабар беради «РИА Новости».
Мамлакат пойтахтига йўл олган автобус ҳайдовчиси Дакка—Тангайл магистралидаги бурилишда рулни ўзига бўйсундиролмагач, транспорт воситаси йўл четига қулагани туфайли саккиз киши ҳалок бўлди, 20 йўловчи жароҳат олди.
Бангладеш шимолидаги Дирасрам аҳоли пунктида темирйўл ўтиш жойида поезд ва моторикша (уч ғилдиракли ёпиқ мотоцикл) тўқнашиб кетиб, камида етти киши оламдан кўз юмди.
Мамлакатда йўллар сифати талабга жавоб бермаслиги, транспорт эскилиги ва эҳтиётсизлик билан машина ҳайдаш туфайли юқоридаги каби автоҳалокатлар тез-тез содир бўлиб туради. Ҳар йили уларнинг оқибатида 10 мингга яқин киши ҳалок бўлади.
Изоҳ (0)