«Sayyod.com» сайти актриса Гулчеҳра Эшонқулова ва актёр Шароф Шаропов ажрашаётгани ҳақида хабар қилмоқда.
Жорий йилнинг 30 май куни Гулчеҳра ва Шароф фотосессия уюштиргани ҳақида хабарлар берилганди. Аммо нашрга маълум бўлишича, ўша куни улар ФҲДЁ идорасида никоҳдан ўтган.
Энг қизиғи, Шарофнинг ота-онаси ҳам бу гаплардан энди хабар топибди. Улар ўз тўйларини барчадан яшириб уюштирган.
Актёр «Sayyod.com» билан боғланиб қуйидагиларни маълум қилган:
«Мен ҳозир Самарқанддаман ва ўз хатоимни тушуниб етдим. Ота-онамни танладим, уларни ҳеч қачон қайтариб бўлмайди. Хотин кишини ҳамиша топса бўлади. Никоҳ бўлиб ўтгани рост, лекин барибир турмуш яхши бўлмади. Очиғи, кўзларим кўр эди, билмайман нега. Ҳамма нарсадан воз кечгандим, ота-онамдан ҳам, аммо ҳаммасини тушуниб етдим ва уйимга қайтдим.
Бизда ҳаммаси тугади. Уруш ҳам бўлди, бошқасиям... Лекин мен ажралишга топширяпман. Мен ота-онамни танладим, тамом! Ҳали Гулчеҳра билмайди. У қайтишимга умид қиляпти , билмасам... Ота-онам уни қабул қилишмади барибир. Ёш бошим билан ҳаммасини уддалайман дегандим. Барибир бир ўзим ҳеч нарса қила олмасдим», — деди Шароф Шаропов.
Изоҳ (0)