«Барселона»нинг аргентиналик ҳужумчиси Лионель Месси Габондаги бўлғуси стадионнинг илк тошини қўйиш маросимидаги иштироки учун 3,5 миллион евро олади. Бу ҳақда France Football нашрига асосланиб «ТАСС» хабар берди.
Ўтган ҳафтада Месси Порт-Жантиль шаҳридаги стадионнинг илк тошини Габон президенти Али бен Бонго Ондимбой билан биргаликда қўйган эди. Таниқли футболчининг ташрифи Габон президентнинг дўсти бўлмиш Туркиянинг «Анталяспор» клуби ҳужумчиси Самуэл Это’O томонидан ташкиллаштирилгани айтилган.
Стадион 2016 йил ноябрь ойигача қуриб битказилиши режалаштирилмоқда ва 2017 йилда Африка миллатлар кубоги ўйинларини қабул қилиши мумкин. Стадион 20 минг мухлисни сиғдира олади.
Изоҳ (0)