Эрондаги сув тошқинлари қурбонлари сони қарийб 30 кишига етди
Эроннинг шимолидаги тоғли ҳудудларда кузатилаётган кучли ёмғир ва сув тошқинлари натижасида камида 28 киши ҳалок бўлди. Бу ҳақда «РИА Новости» хабар бермоқда.
Алборз вилоятидаги сув тошқинлари натижасида камида саккиз киши ҳалок бўлган, 10 киши жабрланган, 12 киши бедарак йўқолган. Хабар беришларича, табиий офат 40 дан ортиқ автомобиль зарар етказган.
Сув тошқини оқибатида Теҳрондан шимоли-ғарбий тарафда жойлашган Имомзода-Довуд манзилгоҳида 20 киши ҳалок бўлган, кўчки йўлни тўсиб қўйгани сабаб у ерда 2,5 мингга яқин автомобиль тўпланиб қолгани айтилмоқда.
Эроннинг шимолий ҳудудларига 19 июль, якшанба куни кучли ёғингарчилик ёпирилди, табиий офат натижасида электр таъминотида узилишлар кузатилмоқда. Маҳаллий маъмурият Теҳрон, Алборз, Қазвин вилоятларида қурбонлари сони янада ошиши мумкинлигидан хавотирда.
