Нью-йорклик тўрт ёшли Эбби исмли қизча ўткир лимфобласт лейкози — лейкемиянинг асосан болаларда учрайдиган шаклига чалинган, дея хабар бермоқда «Adme.ru».
Оғир касалликка қарамай, қизча доим яхши кайфиятда юришга ҳаракат қилади. Ҳатто, у касалхонада даволанаётиб, ўзи билан иноқлашиб қолган тиббий оға (медбрат)га турмушга чиқишга қарор қилди. Бу қарорини онасига айтгач, у йигит билан боғланди ва кейинги сафар шифохонага борганларида «тўй» қилиш ҳақида келишиб олди. У ҳам таклифдан мамнун бўлиб, «тўй»ни ташкиллаштиришга киришди.
Эртаси куниёқ тиббий оға ҳамкасблари ёрдамида «тўй» уюштирди. Эбби оппоқ кўйлакчада келин гулдастасини тутган ҳолда смокинг тасвирли футболка кийган «куёв» қаршисида намоён бўлди. Улар сўрғич шаклидаги узукларни бир-бирига тақиб қўйди.
Бу кун Эбби учун унутилмас бўлиб қолади, тиббий оға эса қизча учун оғир бўлган кунларда бироз бўлса-да, унинг кўнглини кўтара олганидан хурсанд бўлди.
Изоҳ (0)