Тожикистон ҳукумати мамлакатда фаолият олиб бораётган барча ОАВларга «Ховар» миллий ахборот агентлигини манба қилиб кўрсатиш мажбуриятини юклади, дея хабар бермоқда «Vedomosti.ru». Агентлик эса ўз навбатида барча расмий пресс-релизлар ва республика давлат органлари баёнотларини қабул қилиб олади.
Ҳукумат мажлисининг мамлакат президенти Имомали Раҳмон томонидан имзоланган расмий баённомасида айтилишича, барча давлат идоралари ўз хабарлари ва пресс-релизларини «Ховар» миллий ахборот агентлигига юбориши керак, бошқа ОАВлар эса расмий ахборотдан энди фақат ушбу нашрга манба кўрсатган ҳолда фойдаланиши мумкин.
Баённомада аниқлик киритилишича, гап ҳукумат мажлислари, президентнинг хизмат сафарлари, жумладан, Тожикистон делегацияси ёки расмий шахслари иштирокидаги хорижий ва халқаро тадбирлар бўйича хабарлар ҳақида бормоқда.
Изоҳ (0)