Беларусь пойтахти Минскда яшовчи икки қиз — 17 ёшли Глория ва Лиза мактабни битирганликларини ноодатий йўл билан нишонлашга қарор қилди, дея хабар бермоқда «Газета.ru». Улар Минскдан Москвагача бўлган йўлни пиёда босиб ўтди.
Нашр ёзишича, Москва ва Минск ўртасидаги масофа 713 километрга тенг. Уни самолётда ярим соатда, поез ёки машинада бир кунда босиб ўтиш мумкин. Қизлар эса энг қийин йўлни танлаб, уч ҳафта вақт сарфлади.
Глория ва Лиза саёҳатдан олдин интернет орқали йўналишларини белгилаб олгани, харита сотиб олиб, у орқали йўл юрганини айтиб берди. Шунингдек, қизлар ўзлари билан чодир, кийим-кечак, телефон учун портатив заряд қурилмаси, фонарь, қопкўрпа, ҳашаротлардан ҳимоя воситаси, қорин очганда ейиш учун эса фақат шоколад олиб олган.
Лиза ва Глория нашрга берган интервьюсида йўлдаги турли саргузаштлари, бошларидан кечирган қийинчиликлар ҳақида сўзлаб берди.
Изоҳ (0)