Жазоир шимолида жангариларнинг ҳарбий карвонга ҳужуми оқибатида 11 аскар ҳалок бўлди

Қуролланган жангариларнинг Жазоирдаги ҳарбий техника карвонига уюштирган ҳужуми оқибатида 11 аскар ҳалок бўлди. Бу ҳақда Al Arabiya телеканалига асосланиб, «ТАСС» хабар бермоқда.

Фожиа 17 июль, жумадан шанбага ўтар кечаси Айн-Дефла провинциясида рўй берган. Жангарилар ҳарбий хизматчиларга ўрмонлар билан қопланган ҳудудда пистирма қўйган. Ҳужумдан сўнг жиноятчилар яширинишга муваффақ бўлган.