17 июль куни Греция бош вазири Алексис Ципрас томонидан ўтказилган ўрин алмаштиришлардан сўнг мамлакат ҳукуматининг вазирлар маҳкамаси таркибига кирган янги аъзолари қасамёд қабул қилди, дея хабар бермоқда News 247. Маросим Афинадаги президент саройида давлат раҳбари Прокопис Павлопулос иштирокида бўлиб ўтди.
Греция ҳукуматининг барча асосий аъзолари ўз лавозимида қолди. Ишлаб чиқариш ислоҳотлари, атроф-муҳит ҳимояси ва энергетика вазири, шунингдек, баъзи вазирлар ўринбосарлари ва бошқа мансабдорлар ўзгартирилди. Уларнинг барчаси қарз берувчилар билан Греция банк тизимига қайта ёрдам беришни бошлаш ва ҳажми 80 миллиард евро бўлган янги молиялаштириш дастурини тақдим этиш ҳақида шартнома имзолаш учун зарур бўлган қонун лойиҳасига қарши чиққан эди.
Изоҳ (0)