Қирғизистонда ўтказилган иккита аксилтеррорчилик операцияси натижасида олти нафар жангари йўқ қилинди, дея хабар бермоқда «РБК».
Махсус операциялардан бири, аввал хабар берганимиздек, Бишкекда бўлиб ўтди. Жангарилар Қирғизистон Миллий хавфсизлик давлат қўмитаси махсус бўлинмаси ходимларига ўқотар қуроллар ёрдамида фаол ва қатъий қуролли қаршилик кўрсатди. Операция чоғида тўрт нафар МХДҚ ходимлари турли оғирликдаги жароҳатлар олди, улар тиббиёт муассасаларига ётқизилди.
Тахминларга кўра, ўлдирилган жангарилар Қирғизистон фуқаролари бўлган ҳамда Қозоғистон ҳудудида тузилган ва фаолият кўрсатаётган террорчилик ташкилоти тармоғига кирган.
Иккинчи махсус операция Лебединовка қишлоғида ГЭС-5 ҳудудида ўтказилган, натижада икки жангари йўқ қилинган.
Изоҳ (0)