16 июль куни ўзбекистонлик зиёратчиларнинг Рамазон мавсумидаги 166 нафардан иборат дастлабки гуруҳи умра сафаридан Ўзбекистонга соғ-саломат қайтиб келди, деб хабар қилади Дин ишлари бўйича қўмита расмий сайти.
Зиёратчиларни Тошкент халқаро аэропортида Дин ишлари бўйича қўмита, Ўзбекистон мусулмонлари идораси ҳамда бошқа давлат ва жамоат ташкилотлар вакиллари кутиб олди.
Зиёратчиларга мавсум давомида ўзбекистонлик 2 нафар ишчи гуруҳи, 13 нафар гуруҳ раҳбари (элликбоши), 3 нафар шифокор ва 2 нафар ошпазлар хизмат кўрсатди.
Зиёратчиларни Саудия Арабистонида кутиб олиш, кузатиш ва уларга қулай шароитлар яратиш ишлари Дин ишлари бўйича қўмита, Ўзбекистон мусулмонлари идораси ҳамда Жидда шаҳридаги Бош консуллик таркибида жорий этилган «Ҳаж» ва «Умра» масалалари бўйича атташе ҳамкорлигида ташкил этилди.
Изоҳ (0)