Тошкентда Хавфли материалларга қарши кураш бўйича марказнинг Минтақавий котибияти очилди

17 июль куни Тошкентдаги «Саноатгеоконтехназорат» давлат инспекциясида Кимёвий, биологик, радиологик ва ядровий материаллар билан боғлиқ хавфларни камайтириш бўйича илғор тажрибалар марказининг Марказий Осиё бўйича Минтақавий котибиятининг очилиши бўлиб ўтди, дея хабар бермоқда «Газета.uz».

Унинг фаолияти жиноят, фалокат туфайли ёки табиий равишда келиб чиққан кимёвий, биологик, радиологик ва ядровий хавфларни мукаммал ва мувофиқлаштирилган сиёсат олиб бориш йўли билан камайтиришга қаратилган.

Ушбу мақсадларда илғор тажриба ва услубларни ўртоқлашиш, шунингдек аъзо мамлакатларнинг муайян эҳтиёжларига эътибор қаратиш учун салоҳият яратилади.