Тошкентда Alcatel OneTouch Idol 3 телефонлари сотила бошлади

Ўзбекистонда Alcatel OneTouch смартфонларининг энг ноодатий модели сотила бошланди, деб хабар беради «Mobinfo.uz».

OneTouch Idol 3 модели МWC 2015 кўргазмасида намойиш этилганди. Бу смартфоннинг ғайриоддийлиги шундаки, телефоннинг юқори қисми пастга бўлиб қолса ҳам фойдаланувчи бемалол гаплашаверади.

Телефоннинг 4,7 дюйм ва 5,5 дюймли версиялари чиқарилган. 5,5 дюймли версияга саккиз ядроли марказий процессор ва full HD экрани ўрнатилган. Ушбу аппаратнинг 16 ва 32 Гб хотирага эга версиялари бор. 13 мегапикселли асосий камерага эга. Телефон корпуси қалинлиги 7,7 миллиметрни ташкил қилади.

4,7 дюймли моделга тўрт ядроли марказий процессор ва HD экрани ўрнатилган. У 5 мегапикселли олд камерага эга.

Ҳар иккала гаджет Android L операцион тизимида ишлайди ва 4G LTE стандартидаги алоқани кўтара олади.

Тошкентдаги «Флешка» савдо мажмуасида смартфоннинг 5,5 дюймли версияси тахминан 1,6 миллион сўмдан, 4,7 дюймли версияси эса 1,1 миллион сўмдан сотилмоқда.