10 июль, жума куни бўлиб ўтган БМТ махсус анжумани чоғида халқаро ҳомийлар Эбола безгаги эпидемиясини бошидан ўтказган Гвинея, Либерия ва Сьерра-Леоне давлатларига ёрдам тариқасида 3,4 миллиард доллар ажратди. Бу ҳақда «РИА Новости» агентлигига асосланиб, «Kommersant.ru» хабар бермоқда.
БМТ ривожланиш дастури раҳбари Хелен Кларкнинг айтишича, ҳомийлар вирус билан курашга ажратишни ваъда қилган жами маблағ миқдори 5,18 миллиард долларга етди. «Бу молиявий кўмак соғлиқни сақлаш тизимини ривожлантириш, сув билан таъминлаш ва санитария чораларини кўришда жуда асқотади», — дея таъкидлаб ўтган Кларк хоним.
Изоҳ (0)