Қоҳирадаги Италия консуллиги яқинида портлаш юз берди. «Новая газета» хабарига кўра, дипломатик миссия яқинида қолдириб кетилган автомобиль портлаган.
Дастлабки маълумотларга кўра, транспорт воситасига портловчи ускуна ўрнатилган бўлган.
«РИА Новости» маълумотларига кўра, ҳодиса натижасида уч ўткинчи ва икки полиция ходими яраланган. CNN бир киши ҳалок бўлгани ҳақида хабар бермоқда.
Портлаш натижасида ерости сув қувурига зарар етган, оқибатда консулликка қўшни кўчани сув босган.
Ҳозирча ҳеч бир террорчи гуруҳ мазкур теракт учун жавобгарликни ўз бўйнига олгани йўқ.
Изоҳ (0)