«СТС-Медиа» акциядорлари холдингнинг 75% активларини Алишер Усмонов ва Иван Тавринга қарашли «ЮТВ» гуруҳига 200 миллион долларга сотиш таклифини маъқуллашни режалаштирган. Бу ҳақда «Газета.ru» нашрига «СТС-Медиа»га яқин манба маълум қилган, дея хабар бермоқда «Эхо Москви» радиоси.
Холдинг улушини сотишни бўлажак битимни баҳолаш учун тузилган махсус қўмита маъқуллаб бериши керак. Олдинроқ «Ведомости» газетаси «ЮТВ» гуруҳи «СТС-Медиа»га тегишли акцияларнинг 75 фоизини Швециянинг MTG компанияси ва барча миноритарийлардан сотиб олиш бўйича таклиф билан чиққанлиги тўғрисида ёзганди.
Изоҳ (0)