Нидерландия ташқи ишлар вазирлиги Қрим, шунингдек Одесса вилоятининг жанубий қисми тасвирланмаган Украина харитаси прокуратура сайтига жойлангани ҳақидаги маълумотни инобатга олишга ваъда берди, деб ёзади «Европейская Правда» Украинанинг Нидерландиядаги элчихонасига таяниб.
Украина элчиси Нидерландия ТИВ сиёсий директори билан суҳбатлашиб, прокуратура сайтига қўйилган инфографикада Украина харитаси Қримсиз тасвирланганини маълум қилди. У эса Нидерландия ТИВ «ушбу ачинарли хато»ни тезда тўғрилаш учун бор имкониятини ишга солишини айтди.
Эслатиб ўтамиз, аввалроқ харитани ўзгартириш зарурлиги тўғрисидаги кўп сонли изоҳларга қарамасдан, Нидерландия прокуратураси уни дастлабки ҳолича қолдиргани хабар берилган эди.
Изоҳ (0)