Niderlandiya tashqi ishlar vazirligi Qrim, shuningdek Odessa viloyatining janubiy qismi tasvirlanmagan Ukraina xaritasi prokuratura saytiga joylangani haqidagi ma’lumotni inobatga olishga va’da berdi, deb yozadi “Yevropeyskaya Pravda” Ukrainaning Niderlandiyadagi elchixonasiga tayanib.
Ukraina elchisi Niderlandiya TIV siyosiy direktori bilan suhbatlashib, prokuratura saytiga qo‘yilgan infografikada Ukraina xaritasi Qrimsiz tasvirlanganini ma’lum qildi. U esa Niderlandiya TIV “ushbu achinarli xato”ni tezda to‘g‘rilash uchun bor imkoniyatini ishga solishini aytdi.
Eslatib o‘tamiz, avvalroq xaritani o‘zgartirish zarurligi to‘g‘risidagi ko‘p sonli izohlarga qaramasdan, Niderlandiya prokuraturasi uni dastlabki holicha qoldirgani xabar berilgan edi.
Izoh (0)