Украина Радикал партиясидан депутат Оксана Корчинская Олий Радага Россия Федерациясини Россия деб аташни тақиқловчи қонун лойиҳасини киритди, дея хабар бермоқда Meduza.
Қонун лойиҳасига берилган изоҳда Россия ва Русь ҳозирги Украина жойлашган ҳудуднинг тарихий номланиши эканлиги айтилади. Корчинская фикрича, Россия номининг РФ синоними сифатида ишлатилиши Украина давлат суверенитетига тажовуз қилиш ва «Украина фуқароларига Украина давлатчилигининг ‘вақтинчалик’ эканлигини тажовузкорона эслатиш» ҳисобланади.
РФга муқобил ном сифатида депутат Московия номидан фойдаланишни таклиф қилди. Қонун лойиҳасида ушбу тақиққа риоя қилмаслик ҳолатларида жарима қўллаш кўзда тутилган.
Изоҳ (0)