1944 йили иккинчи фронтни очиш операцияси чоғида оккупация қилинган Франция ҳудудига келиб тушган илк десантчи, буюк британиялик Норман Пул 96 ёшда вафот этди. Бу ҳақда «РИА Новости» хабар бермоқда.
Лейтенант Пул 1944 йил, 6 июнга ўтар кечаси Нормандияга келиб тушган иттифоқчилар қўшинининг олти нафар британиялик десантчидан иборат биринчи гуруҳи таркибида эди, дея ёзади Daily Mail. Самолётдан кўксига қадалган почта кабутари билан сакраган десантчи немис қўшинларини ёзиб олинган отишма овози билан чалғитган ва 200 та қўғирчоқ «парашютчилар» ҳамроҳлигида Шербург яриморолига қўнган.
Норман Пулнинг кабутари иттифоқчилар ҳарбий қўмондонлигига керакли маълумотни етказиб боролган ягона қуш бўлган. Бу хабар айнан қандай мазмунда бўлганини лейтенант умрининг охиригача ҳеч кимга айтмаган.
Изоҳ (0)