Эрон ташқи ишлар вазири Жавод Зариф Россиянинг Уфа шаҳрида бўлиб ўтадиган Шанхай ҳамкорлик ташкилоти саммитига ташрифини бекор қилди. Бу ҳақда Эрон делегациясидаги манбага таяниб, «ТАСС» маълум қилган, дея хабар беради «РБК».
Агентлик манбасининг маълумотларига кўра, Зариф «олтилик» билан келишувни ишлаб чиқиш юзасидан маслаҳатлашувларни давом эттириш учун Австрия пойтахтида қолган. Уни Россияга элтиши лозим бўлган самолёт Теҳронга бўш қайтган.
Олдинроқ Эрон ядро дастури бўйича музокараларни 10 июль, жумага қадар чўзишга қарор қилингани хабар берилган эди. Уларда иштирок этаётган АҚШ делегацияси вакилларининг айтишича, ушбу музокараларда «сезиларли силжишга» эришилган.
Изоҳ (0)