Америкалик олимлар минг нафар тенгдош кишилар — 38 ёшли янги зеландияликларни тадқиқ қилиб, одамлар турли тезликда қариши, уларнинг ҳақиқий (биологик) ёши эса тақвим бўйича ёшидан бир неча марта фарқ қилишини аниқлади. Тадқиқот натижалари Proceedings of the National Academy of Sciences журналида келтирилди.
Кишининг реал ёшини акс эттирувчи 18 та биологик маркердан иборат рўйхат тузилди, бунга жумладан, буйрак ва жигар аҳволи, холестерин даражаси, юрак ва қон-томир тизимининг функционал ҳолати ва бошқалар киритилди.
Ушбу маркерларнинг ўзгариш динамикаси янги зеландияликлар 26, 32 ва 38 ёшда бўлганида ўлчаб кўрилди. 38 ёшлиларнинг биологик ёши 28—61 ёш орасида бўлиши аниқланди.
Биологик ёши тақвим ёшидан катта бўлганлар одатда кекса кишиларга бериладиган синовлардан яхши ўта олмади. Уларга жисмоний ҳаракатлар ҳам қийинчилик туғдирди.
Тадқиқот натижасида олимлар эришган асосий ютуқ шундан иборат бўлдики, биологик маркерлар ёрдамида кекса ёшдагилар учун хос бўлган касалликлар аниқланган ўрта ёшли беморларнинг қариш жараёнини ўлчаш имконияти мавжуд экан.
Изоҳ (0)