Лондонда давом этаётган «Катта Дубулға» туркумига кирувчи «Уимблдон» турнирининг ўсмирлар ўртасидаги баҳсларида иккинчи давра иштирокчилари маълум бўлди, деб хабар қилади «Olamsport.com».
Бундан аввалги иккита «Катта Дубулға» турнирлари – Австралия Очиқ чемпионати ва Франциядаги «Ролан Гаррос» турнирларида иштирок этган ўзбекистонлик Жўрабек Каримов Лондонда ҳам ўз имкониятини синовдан ўтказди.
Қуръа натижасига кўра, истеъдодли Каримов илк даврада америкалик Вильям Блумбергга қарши кортга чиқди. Афсуски, шиддатли кечган баҳсда Жўрабек Каримов турнирнинг 10-ракеткасига 7:6, 4:6, 4:6 ҳисобида имкониятни бой бериб қўйди.
Изоҳ (0)