Ўзбекистон олимпия терма жамоаси июль ойида иккита ўқув машғулот йиғинини ўтказади. Олимпиячилар янги бош мураббий Виктор Жалилов бошчилигидаги биринчи йиғинини 11—16 июль кунлари ўтказади. Иккинчи йиғин эса 20—25 июль саналарида ташкил қилинади. Бу ҳақда Ўзбекистон футбол федерацияси матбуот хизмати хабар бермоқда.
Ўзбекистон олимпия терма жамоаси 2016 йилда Қатар пойтахти Доҳада бўлиб ўтадиган 23 ёшгача бўлган футболчилар ўртасидаги Осиё чемпионатига тайёргарлик кўрмоқда. Виктор Жалилов жамоасининг мусобақадаги рақиблари шу йилнинг 12 сентябрида Қатарда бўлиб ўтадиган қуръа ташлаш маросимида аниқланади.
Эслатиб ўтамиз, Виктор Жалилов 23 июнь кунги ЎФФ ижроқўм мажлисида Бахтиёр Ашурматов ўрнига олимпия терма жамоасига бош мураббий этиб тайинланган эди.
Изоҳ (0)