Жанубий Кореянинг Samsung компанияси ишлаб чиқарган Samsung Galaxy S6 смартфонларининг чакана нархи «Флешка» савдо мажмуасида бир ҳафта олдингига қараганда сезиларли равишда пасайди, деб хабар қилади «Mobinfo.uz».
Бир ҳафта олдин ушбу смартфоннинг 32 Гб хотирали версияси нархи тахминан 2,9 миллион сўмни ташкил қилган бўлса, 5 июль, якшанбага келиб гаджет 2,5 миллион сўмдан сотила бошлади. Samsung Galaxy S6 Edge моделининг Ўзбекистондаги нархи ўзгаришсиз қолди ва 3,2 миллион сўмдан сотилмоқда.
Samsung Electronics компаниясининг Ўзбекистондаги ваколатхонаси вакилларининг маълум қилишича, баъзи савдо нуқталари Galaxy S6 смартфонларини сотиб олувчиларни рағбатлантириш учун мустақил равишда акция бошлади. Акция доирасида смартфонни сотиб олган харидорлар симсиз зарядлаш қурилмасини бонус сифатида текинга қўлга киритади.
Изоҳ (0)