Хива алоқа музейи замонавий тарзда реконструкция қилиниб, ишга туширилди. Бу ерда мукаммал таъмирлаш, музей дизайни ва мавжуд экспонатларни жойлаштириш ҳамда қайта жиҳозлаш ишлари амалга оширилди, деб хабар беради ЎзА.
Музейда турли даврларга тааллуқли 340 дан ортиқ алоқа воситаси, мингга яқин экспонат ва фотосурат, 430 дан зиёд конверт ва маркалар сақланмоқда. Жумладан, 1949 йилда ишлаб чиқарилган телевизион қурилма Ўзбекистонда ихтиро қилинган дунёдаги илк телевизор нусхаси асосида яратилган.
Бу ерда алоқа соҳасининг ривожланиш даврлари, тармоқдаги ўзгариш ҳамда янгиланишлар хусусида кенг тасаввурга эга бўлиш мумкин. Шунингдек, замонавий коммуникация воситалари ёрдамида шу ернинг ўзида 3D ўлчамда Ўзбекистондаги алоқа музейлари фаолияти, улардаги кўргазмалар билан тўғридан-тўғри танишиш имконияти мавжуд.
Изоҳ (0)