Футбол бўйича Португалия терма жамоаси ва Мадриднинг «Реал» клуби ҳужумчиси Криштиану Роналду журналистлар билан суҳбат вақтида унинг сўзини бўлиб қўйган матбуот хизмати ходимидан жаҳли чиқди. Бу ҳақда «ТАСС» хабар бермоқда.
Журналистлар Роналдудан «Реал» ярим ҳимоячиси Серхио Рамоснинг келажаги ва «Ливерпуль» собиқ ярим ҳимоячиси Стивен Жеррарднинг «Лос-Анжелес Гэлакси»даги истиқболи ҳақида сўраганида, матбуот хизмати ходими футболчининг сўзини бўлиб қўйган.
Матбуот хизмати ходимининг бу ҳаракати Криштиану Роналдунинг аччиғини чиқариб юборган. Футболчининг маълум қилишича, шу йўл билан уни ноқулай аҳволга тушириб қўйишган.
«Журналистларга нисбатан совуққон кўринишимни истайсизми? Бу сизнинг ишингиз. Энди мен аҳмоққа ўхшаб кўриняпман», — деди Роналду матбуот хизмати ходимига мурожаат қиларкан.
Қайд этишларича, футболчи барибир матбуот хизмати ходимининг кўрсатмасига риоя этиб, журналистлар билан мулоқотни тўхтатган.
Изоҳ (0)