Парапланерчилар ўртасидаги жаҳон чемпионатида литвалик учувчи ҳалок бўлди

Литвалик учувчи Роландас Сакалаускас парапланерчилар ўртасида Польшада давом этаётган жаҳон чемпионатида ҳалокатга учради. Бу ҳақда «ТАСС» хабар берди.

Ҳодиса ҳаво слаломини амалга ошириш вақтида юз берган. Бурилишларнинг бирида Сакалаускаснинг параплани бошқарувни йўқотиб, 12 метр баландликдан қулади.

Мусобақа ташкилотчилари ва гувоҳларнинг сўзларига кўра, ҳодиса учувчининг хатоси оқибатида юз берган.

Сакалаускас зудлик билан касалхонага олиб борилган, бироқ шифокорлар унинг ҳаётини сақлаб қола олмади.