Ўзбекистон Республикаси Давлат рақобат қўмитасида Қўмита раиси Д.Хидоятовнинг Корея Республикасининг Фавқулодда ва Мухтор элчиси Ли Ук-хеном билан учрашуви бўлиб ўтди. Бу ҳақда Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси матбуот хизмати маълум қилган.
Учрашув давомида давлат активларини хусусийлаштириш ва хорижий инвестицияларни жалб қилиш мақсадида тегишли маълумотларни олиш масалалари муҳокама қилинди.
Бўлиб ўтган учрашувда Қўмитанинг Корея фонд биржаси билан республика қимматли қоғозлар бозорини модернизациялаш бўйича ҳамда Ўзбекистонда истеъмолчиларнинг ҳуқуқларини ҳимоя қилиш тизимини янада такомиллаштириш борасида Корея истеъмолчилар ҳуқуқларини ҳимоя қилиш агентлиги билан ўзаро ҳамкорлиги тобора ривожланиб бораётгани таъкидланди.
Шунингдек, учрашув давомида қуйидаги масалалар муҳокама қилинди:
- Стартегик хорижий инвесторларга сотиш назарда тутилган кимё, нефтгаз, енгил саноат корхоналаридаги, банк-молия соҳаси ва суғурта компанияларига тегишли корхоналардаги давлат активларини хусусийлаштириш жараёнига кореялик инвесторларни жалб қилиш;
- Тошкент ва Сеулда ишбилармонлар доираси учун йирик акциядорлик жамиятларининг тақдимотларини ўтказиш;
- Стратегик хорижий инвесторларга сотиладиган давлат активларини баҳолашга халқаро баҳоловчи ташкилотларни таклиф қилиш;
- янги ташкил этиладиган Корпоратив бошқарув илмий-таълим марказида Кореянинг етакчи таълим муассасаларининг профессорларини маъруза ва машғулотлар билан қатнашишини ташкил этиш.
Изоҳ (0)