Ўзбекистоннинг биринчи ракеткаси Денис Истомин Буюк Британиянинг Ноттингем шаҳрида давом этаётган теннис турниридаги иштирокини муваффақиятли давом эттиряпти. Кеча, 26 июнь куни Денис деярли курашсиз финал чиптасини қўлга киритди, деб хабар беради «Olamsport.com».
Ярим финал баҳсида Денис кипрлик Маркос Багдатисга қарши кортга чиқди. Аммо биринчи сетнинг тўртинчи гейми давом этаётган бир паллада Багдатис жароҳат олиб, охир-оқибат курашни давом эттира олмаслигини маълум қилди.
Шу тариқа, Денис Истомин ортиқча қийинчиликсиз финалга йўлланма олди. Эътиборлиси, учинчи геймдан кейин Маркос 2:1 ҳисобида олдинда бораётганди.
Энди бугун, 27 июнь куни ўтказиладиган финал учрашувида Истомин америкалик Сем Куэрри билан тўқнаш келади.
Изоҳ (0)